場：1 

時：2021年   夜 

地：外/街中 

人：阿希 

 

^  寧靜陝小的房子裏，只有風扇的聲音 

^  架上只有幾張阿希與媽媽的合照 

^  阿希一人因搬屋在家中收拾東西，突然看到櫃角裏一個從未見過的鐵盒 

^  拿起雜物中的鐵盒 

^  阿希露出疑惑的表情望着鐵盒 

^  阿希坐在沙發上，並將鐵盒放在桌上 

^  POV打開盒，內有一朵白色彼岸花 

^  阿希有點驚奇 

^  阿希看到了桌旁一疊照片，拿了一張看一看，感到有些傷痛，然後放進了鐵盒 

^  眼淚滴落照片上 

 

 

 

場：2 

時：2014年   下午 

地：外/街中 

人：秀姐(媽媽)，盲人 

 

^ 她急步地往茶餐廳上班，不小心撞到了個盲人 

^ 秀姐向盲人道歉 

秀姐:「唔好意思呀」 

盲人:「唔緊要，我想問下地鐵站係咪依到附近?」 

秀姐:「係呀，好近咋」 

盲人:「唔好意思呀，方唔方便帶一帶我去?」 

^ 秀姐面有難色地，遲疑一下 

秀姐：「嗯......（望一望錶）都可以既」 

盲人:「唔該哂你啊」 

^兩人走在路上 

盲人：「係呢，我聽你頭先啲腳步聲好似好急咁，你係唔係有緊要事要做？我可以再問下人喎，你有野做就走先啦。」 

^秀姐頓了一下，站在路上 

秀姐：「嗯，唔緊要啦，我又唔係好趕，地鐵站個邊好多人架，撞親就唔好啦」 

^兩人繼續前行 

 

 

 

場：3 

時：下午 

地：地鐵站出口外 

人：秀姐，盲人 

 

^ 兩人走到地鐵站外 

秀姐：「好啦，呢度就係地鐵站喇，洗唔洗帶埋你落去？」 

盲人：「唔洗喇，我自己可以㗎喇，你快啲行啦，唔阻住你喇。」 

秀姐：「好啦，咁我走喇，你自己小心啲啦。」 

^ 秀姐急步離開 

秀姐小聲：「今次大鑊喇，經理今次實鬧死我啦」 

 

 

 

場：4 

時：下午 

地：內/店中 

人：經理，秀姐 (媽媽)，員工，客人，粗鄙的青年男性 

 

^ 秀姐氣喘地跑進餐廳 

^ 經理用埋怨的眼神看了一眼秀姐 

^ 秀姐避開經理的眼神，繼續埋頭工作 

^ 秀姐忙碌工作 

^ 突然青年男性向秀姐方向大叫 

青年男性：「喂！我杯凍檸茶仲未到喎」 

秀姐：「好呀，幫你睇睇」 

秀姐執拾餐桌，然後向吧枱方向走去，並找了找。 

秀姐：「嗯......6號枱差杯凍檸茶」 

^ 水吧不耐煩，並指住另一杯凍檸茶。 

水吧：「又寫漏單呀，比住依杯佢先喇。」 

^ 秀姐拿着凍檸茶，急步向男人方向走去 

^ 有個人從旁打電話從一旁跑出，撞向秀姐的手臂 

^ 秀姐不小心將凍檸茶潑向男人身上 

青年男性：「喂，咩事呀你，幾杯嘢都攞唔穩」 

秀姐：「對唔住呀，依家即刻清潔返，唔好意思呀」 

^ 秀姐正想去攞抹布 

^ 男人叫停秀姐 

青年男性：「你唔係諗住就咁抹返個地下就算呀，咁我件衫呢？賠錢呀」 

^ 男人兇惡地看向秀姐 

秀姐：「唔係呀，係啱啱有個人.....」 

青年男性：「關我咩事呀！喂，你唔係幾百蚊都賠唔起呀，你哋啲新移民都攞咗政府咁多福利，又搶曬我哋啲資源，咁我依家要求返你畀返啲錢我啫，有咩問題呀......」 

^ 秀姐只能低著頭不停道歉，眼睛的餘光看到其他客人都冷靜地坐在自己的座位上吃東西、玩手機 

秀姐：「對唔住呀，我真係冇心㗎，我可以...... 」 

^ 秀姐姨著頭道歉， 然後經理衝出來救場 

經理：「對唔住呀！個同事新嚟架，呢餐唔洗比錢呀，唔好意思呀。」 

^ 經理轉身就嚴肅地跟秀姐說 

經理：「你一陣入一入廚房。」 

 

 

 

場：5 

時：下午 

地：內/店中 

人：經理，秀姐 (媽媽) 

 

^ 經理在一旁與秀姐對話 

^ 經理望着秀姐 

經理：「秀姐，返咗工一個禮拜，你就遲咗4日。」 

秀姐：「今日有個...... 」 

經理：「我知，你又幫人呀嘛，大把呀婆過馬路呀，你仲唔過去幫。」 

^ 秀姐露出委屈的神情 

經理：「你唔係第一次比人投訴㗎啦，我知你朝早仲有份工，但都唔係做嘢做得差嘅藉口呀。」 

秀姐：「對唔住呀經理，比多一次機...... 」 

經理：「機會就比曬喇，秀姐，返埋今日喇。」 

^ 秀姐露出緊張的表情，並想挽回工作 

秀姐：「經理比多次機會，我唔會再有下次架 。」 

經理：「明㗎啦，一陣出埋今星期糧比你。」 

^ 經理直接走開， 留下秀姐一人在原地氣餒 

 

 

 

場：6 

時：夜 

地：街上（公園） 

人：秀姐 (媽媽) 

 

^ 秀姐坐在公園裏， 沉思 

^ 看着公園裏的小孩子， 想着自己沒有給過希仔幸福 

^ 眼淚滴下來，秀姐刷一刷眼淚 

^ 望一眼公園裹的時鐘，時間不早了，要回家給仔煮飯 

 

 

 

場：7 

時：夜 

地：內/家中  

人：秀姐 (媽媽) ， 希仔 

 

^ 拍着秀姐回到家 

秀姐：「希仔做晒功課未呀？」 

^ 希仔看著手機的結他教學片，沒有回應 

秀姐：「唔好打咁多機喇。」 

^ 秀姐去廚房煮飯，希仔繼續看著結他教學片 

^ 家中時鍾 

^ 秀姐搬飯菜上枱面 

^ 秀姐坐在希仔旁，並拿出手機，放在桌上 

秀姐：「嚟，今日媽媽生日，嚟影張相先。」 

^ 希仔點點頭，並合照了一張相 

^ 希仔拿起手機繼續看手機的結他教學片 

秀姐：「唔好掛住打機，快啲趁熱食啦。」 

^ 秀姐剛想開始食飯，希仔便開口談有關學校結他課程的東西 

希仔：「媽媽，我想學結他，學校有課程。」 

^ 秀姐面有難色 

秀姐：「希仔，遲啲先啦，好冇? 」 

^ 靜了一刻，希仔放下碗筷 

希仔：「又遲啲，每次都咁講，之前個交流團同埋個camp，全班已經得我一個無去㗎喇。」 

秀姐：「希仔，唔係媽媽唔比你學，你要知道依排屋企嘅環境真係唔係咁好......」 

^ 希仔從書包裏拿出音樂課單張 

希仔：「今次學音樂我都唔係第一次提，依家學校有課程，已經比出面平咗好多㗎喇，唔係嘅話買個平d嘅結他，我自己學都得㗎。」 

^ 秀姐放低筷子 

秀姐：「希仔，係香港學音樂都揾唔到錢㗎。」 

希仔：「媽媽呀，你根本就唔明音樂對我嚟講有幾重要，你都無理解過我，每次冇人陪我嘅時候，我都係靠音樂渡過。」 

^ 秀姐心臟痛了一下，表情有點難受 

^ 希仔不以為意，繼續食飯 

希仔：「算啦，你根本唔明我感受(嘆一口氣)」 

秀姐：「阿仔，媽咪係為你好啊，你大個就明阿媽既苦心喇」 

^希仔很激動 

希仔：「乜野叫為我好啊，我想學自己中意既野都唔得，唔係將你想要既野放係我身上就叫好啊」 

^ 希仔的聲音源源不絕地進入秀姐的耳朵 

^ 秀姐忍無可忍，拍枱 

秀姐：「嘈夠未呀你！」 

^ 希仔看著秀姐，眼泛淚光，並轉身走入房間，砰門 

^ 秀姐正想走去和希仔靜下來傾，便因太激勞而心臟病發 

 

 

 

場：8 

時：夜 

地：內/家中 

人：秀姐 (媽媽) ，阿希 

 

^ 家中時鍾的秒針停止轉動 

^ 秀姐微笑看著阿希 

「希仔，好耐冇見。」 

 ^ 阿希看見了他的母親，淚水落下 

「對唔住媽媽，我好掛住你。」 

^ 阿希擁抱了秀姐，不斷說著對不起 

「乖，媽媽唔怪你。」 

「媽媽，生日快樂。」 

^ 阿希將多年前沒對到母親說的話說了出來，秀姐微微一笑 

^ 白光 

 

 

 

場：9 

時：2021年   夜 

地：內/家中 

人：阿希 

 

^ 阿希坐在床上，彼岸花逐漸消失，只遺下一張本放在鐵盒裏他和媽媽那天生日的合照 

^ 窗外的片葉慢慢落下，像是宣佈著正式進入冬季時節